Lè patêjan de la Grevire – Gruyère

Pachâdzo vêr l’an 2026

L’evê l’è dè rètoua, le frê, la nê l’an prê pyathe din nouthron payi.
No j’an chayê lè j’âyon dè lanna, metannè, bounè, botè, to chin ke fô po no protèdji dou frê.
Lè lumyérè chè chon betâyè in fitha, èpèluon din la yê, bayon ya a ti hou pèlutson dè nê.
La yê l’è in fitha yin dè la dyêra ke n’in fournè pâ d’èmèluâ lè dzin è le mondo.
Po ‘na vèya dè tsalandè, no li moujin pâ mé, no betin d’a pâ lè rébritsè dou mondo.
Outoua de ‘na trabyâye, in famiye ou bin intrè j’èmi, avu ‘na bouna volaye bin ruhya, on kurtiyâdzo dè chajon è de ‘na botoye dè rodzo, no van no régalâ è no rapalâ lè chovinyi d’on tin.
L’afére chè dètortiyè kemin on tèâtre, lè j’akteu chon ti dzoyà, po ‘na vouêrba, l’an betâ d’a pâ lè pochyin.
Ouna parantéje din on momin dè rèchpè dè tsakon dè no.
L’è inke ke le kru dè la ya rèchô, le patê fâ partya dou lingâdzo, è lè tsan dè tsalandè fan oure na brijon dè cholanitâ è d’amihyâ.
L’an 2025 tirè ou bè è dza fô moujâ a l’an ke vin, on’an novi ke no rèjêrvè di bounè è di kou di min bounè chorèprêchè.

No vo kouâjin on bi è boun’an 2026
No vo kouâjin la chindâ è prà d’amihyâ è le to in patê.

Bounè è balè fithè a vo tot’è ti, patêjannè, patêjan.

Komité di patêjan de la Grevire

---

A propou di Patêjan de la Grevire

La Chochyètâ a été fondée le 18 mars 1984 à la Tour-de-Trême.

En 1989 a eu lieu la bénédiction du drapeau « di Patêjan de la Grevire ».

L’amicale comptait plus de 650 membres en 2020.

Elle œuvre pour la promotion du patois en proposant :

• des cours de patois, ouverts à tous, dans le cadre de l’Université Populaire
• des cours facultatifs de patois dans les CO de Bulle, La Tour-de-Trême et Riaz
• des veillées et après-midi de patois mensuelles, de septembre à juin, à Echarlens
• la rubrique « Deché-Delé » tous les samedis dans le journal La Gruyère
• des rencontres de patois dans les EMS
• une pièce de théâtre annuelle lors de l’assemblée générale de l’amicale avec une représentation publique le week-end suivant.
• une rencontre des Amis du Patois, avec messe en patois, à la mi-août à Charmey
• un repas des patoisants le 1er dimanche d’octobre
• une messe du souvenir le premier dimanche de novembre, pour les patoisants qui ont quitté ce monde (tournus dans les paroisses)

---

Komité Patêjan de la Grevire

---

Dèvinyi minbro di Patêjan de la Grevire
Devenir membre des Patoisants de la Gruyère