section_gruyere
Au nom du comité des patoisants de la Gruyère nous vous souhaitons la bienvenue des patoisants de la Gruyère.                             
N’hésitez pas à poser des questions ou nous faire des remarques

Le Président: Marcel Thürler

Dzoyà Tsalandè è Bounè fithè !

Achtou ke dèthanbre pointè le bè dè chon nâ,Lè premirè patè dè nê chè beton a virvoutâ…Lè dzoua dèfelon, è din nouthrè kà,Ch’inchtâlè ouna dàtha tsalà,Adon ke lè girlandè no j’iluminon,Chu ti lè vejâdzo, di fôri chè dèchinon.L’è Tsalandè, tyin gran bouneu ! Fro i fâ frê, ma nouthrè kà bouyenon,dè kuriyojitâ è d’invide du l’outon.Irè tin ke Tsalandè arouvichè anfin…Po k’on partadjichè inthinbyo hou momin divin ! Mènu  dou rèvèyon dè Tsalandè :Koktèl dè dzouyo è mouâchè chorèprêchèVèloutâ d’amihyâ è krothè dè chindâFelè d’amour a la chôche folèrâ dàthaBoutse d’armoniya è minyardijèRègalâdè-vo !!!Adon ke Tsalandè chè hyenè, tinke rè l’an novi 2016 chè fournè, è tinke 2017 La ya kontinuè è lè j’yè tsefrenonNouthron kà rètsoudâ dou mèchâdzo dè péVudrê prolondji le tinKadô è kotiyon, danthè è tsanthon.On pitit’ê dè fitha, on’ê dè bachtringaBrechon chi dêri dzoua d’on an ke fournè Avui l’èchpouàre krèthrin dè rèalijâ di novi chondzo.Bouna è bèniràja anâye ! Dzouyo, chindâ, bouneuKe la ya chêyè bordâyd’amour, dè tsalà è dè hyà !Vouêrdin le mèyà dè hou dodzè mê ke no tchithonÈ ke chi novi l’an chêyè po ti ouna konpyèta ravuchête.Fére a dzèrnâ lè j’idéTsèvanhyi la kolaborachyonè n’in rèkuyi la frete.La chochyètâ di patêjan dè la Grevire vo kouâ po 2017. Le bouneu, la pé è la ravuchête chè bâtechon ti lè dzoua. Adon keminhyin Dza pê  l’ i krêre, po betâ totè lè tsanthè dè nouthra pâ.I vo kouâjo dè parkouri le pye bi di tsemin, d’inprontâ lè routè dou Bouneu, travêchi lè pon dè dzouyo, kanbyâ lè j’inkobyè dè la ya avui chèrènitâ.Tyè vo kouâdre dè mi tyè ouna fênadrêta chindâ por vo è vouthrè proutso.Dè la prochpèritâ è dè la pachyon din vouthrè j’aktivitâ,È dè l’amour outoua dè vo dutin dè to l’an…Pachâdè on fro delé Bi l’An 2017 !

Vouthron Prèjidin Marcel Thürler

 

Omâdzo a Othmar Raemy

ou mohyi d’Avri-dèvan-Pon

4 dèchanbre 2015

Marcel Thürler

Lè patêjan de la Grevire pêjon on’èmi è chutô on patêjan pachenâ dè chi bi lingâdzô, è on profècheu dè patê dè rèthèta.

Othmar, du lé-hô, orâ que tè choufranthè t’an tchithâ, vouêrda on yè chu lè patêjan de la Grevire, fâ no chunyo du lé hô che no j’àbyin ôtyè,

Demikrô né a la vèya dou patê ou Ruz te no j’â mankâ, è Chin Nikolé no j’a de, prou chur ke te rekordâvè on mochi dè tronpèta  avui ton’èmi Robert Tinguely ke t’â retrovâ lé hô.

Vouêrda no ouna bouna kotse po kan no no  rètravèrin on dzoua lé hô po tsantâ è dèvejâ patê, n’àbya chutô  pa d’inkotchi di partichyon.

T’on  korâdzo  è chuto ton moral  a fére gurlâ lè vani , m’è fan a chayi lè lègremè.

No vouêrdèrin on farmô bi chovinyi dè hou vèyè dè patê ou Ruz

è di kour dè patê i j’infan di CO

Ora le pye gro pyéji ke pu tè fére, l’è d’akutâ la vouê d’on dzouno dou patê.

Adju Othmar

Romain Pittet

A nouthron tan règrètâ profècheu Othmar,
L’é keminhyi lè kour dè patê avui tè, è prà dè mè kamerârdo l’an aprê on mache dè tsoujè avui tè.
No j’an j’à bin dou pyéji dè yêre le patê, dè l’akutâ, dè le tsantâ è chuto dè le dèvejâ !  Lè chin le chèkrè : no fô le dèvejâ chi bi patê !
T’irè on chuti patèjan è on vretâbyo profècheu ! T’avé le pyéji dè no le tranchmètre è dè no j’èchplikâ di balè tsoujè dè ta ya.
Adon ora ke t’i din le gran patheryà , to pri dou Bon-Dyu, vèye chu ta famiye è baye no on piti kou dè man po mantinyi ha bala linvoua.
Dè la pâ dè ti tè j’ èlévo , no tè rèmarhyin dè to kà,  è no vouêrdèrin le pye bi di chovinyi dè tè.

Lè dzouno kurtiyâre dou patê

 

Statuts de la société des patoisants de la Gruyère (PDF)