Inke no rè on n’An dè pachâ, 2017 puintè dza chon nâ.
Bàgro, to ne chè pâ tan bin pachâ din chti mondo, totè hou dyêrè pâ bin yin dè vêr no.
Ti hou malirà fotu a la ruva dou tsemin a kouja dè la krouyètâ di gouvernin, adon ke l’i pyathe ou bouneu por ti.
Bèniràjamin no j’an dè la pâ dè vêr no la tsanthe d’ithre in pé.
No van pachâ lè fithè dè Tsalandè è dou Boun’An din nouthrè famiyè bin ou tsô, le chapin breyèrè din la kotse dou pêyo.
Outoua dè la trâbya kunya dè gormandi ke la koujenêre l’a inkotyi dè to chon kà, lè j’infan pyin dè j’èthêlè din lè jyè,
tsantèron n’a tsanthenèta in n’atindin dè rèchyêdre on piti kadô.
Ê pu lè parin è marinnè n’àbyèron pâ dè bayi le kunyakouârna a lou fiyu è fiyàlè.
Marthi a vo ti, komité kantonal è di j’amikalè, animateu dè Radio-Friboua è di rinkontrè dè patê, po l’ingadzèmin a la kouja dè nouthron patê.
Bon j’èmi dou patê, vo kouâjo a totè è ti Bon Tsalandè.
Chindâ è prochpèritâ por l’An 2017, è ou pyéji dè vo rinkontrâ.
