Grahya dè Logena

Konchêrnè : Dèmichyon

Lôjena, le 9 dè mâ 2017

Moncheu le prèjidin,

Mèdamè, Moncheu,

lè minbro dou komité

galé j’êmi minbro,

Pê la prèjinta i konfirmo lè propou ke no j’avan j’â pê tèlèfone du tin di Fithè avui Marcel Thürler.

Yêr’a né, no j’an j’ou nouthra dêrire athinbyâye jénérale in prèjinthe di minbro dou komité dou « Cercle fribourgeois de Lausanne » è dè ti nouthrè minbro.

L’avinyi dè nouthron groupèmin lè j’ou èchpojâ. Totè lè pochibilitâ chon j’ou rètsèrtchyè. Èlà, kemin no no rètràvin tyè mé ouna punya dè minbro mafi. Ke nouthron grant’ âdzo idyè pâ a prindre di rèchponchabilitâ. In dèpye, no dêvin chonyi nouthrè rematichè è, i no fô grô mé dè tin po fére lè tsoujè.

Chin vou a dre, k’apri avê oyu ti lè minbro è rèveri le problême dè totè lè pâ, nyon chè chintu prou yô po rèprindre lè lachè di Grahyà dè Lôjena.

Fathe a ha chituachyon, l’athinbyâye, ou gran règrè dè ti, ma a l’unanimitâ, la dèchidâ dè fujâ le groupèmin.

Ache, Moncheu le prèjidin, galé j’êmi patêjan fribordzê no vo prêyin d’akchaptâ la dè-michyon di Grahyà dé Lôjena.

L’è ouna pâdze ke chè virè, on lêvro ke chè kotè. Ma nouthron damâ patê châbrèrè adi din nouthrè kà. To chin ke vo farê avui li, no tâtsèrin dè le partadji.

No kouâjin a la Chochyètâ kantonale è a totè chè j’amikalè ouna granta ya, avui lè dzouno ke poron rèprindre vouthrè lachè. No vo rèmarhyin dè to chin ke no j’an pu partadji avui vo.

A vo totè è ti, galé j’êmi patêjan fribordzê no vo prèjintin nouthrè j’amikalè chalutachyon è vo dyin, a rèvêre.

    La chekrètéra :      Colette Godel                                                       

         Le bochê :     Jean-Marie Brodard                                                                        

     La Prèjidinta    Suzanne Monney