Novalé di patèjan dé la Charna,
 
Chti furi 2015, lè patêjan d’Intrè No, mon nomâ préjidan po rinpyathi Francis.L’è pô fachilo , lé ‘pâ le mimo betafro. L’i a grantin ke chu minbro dè l’Amikala ma l’é onko rin fê po le patè . L’avé pâ tru l’iji. Chti kou chu déchidâ de mé rémouâ è de m’ingadji po nouthron bi patê è hou ke le mantinyon.
L’i a 35 an ke mè tinyo a la fretchire dou Mouret. Ora y chu le viyo fretchi. L’è mon bouébo ke la réprê l’i a dza bin di jan. Ma fèna l’è la premire charvinta de la Kri-Byantse ou Mouret . Chin ke lé mè le drê dè medji è bêre , to chin po teri pri kothyè j’èmi è politicâre dzanyâ. Àmo bin chi travô dè rin
Mon Chègna ire Payjan , amovê le tsan è la mujika, la diridji grantin la mujika de Trivo, mon frâre irê Régent a Echê, l’a écri di pithé in pathè, »lè novi vajihyiè » , « le chékrê dou Tsandélê  » é bin d’otrô. Chu jou bâgni din chi pathè tô dzounô.
Le Ka d’Intrê No l’an réhi on novi direkteu, la a nom : Antoine Krattinger y vin dé Bifou.La farmô bona faschon.Pô nourha Amikala le ka y kontè prâ.No j’an fôtha de ché tsan.
Kan y moujô a la bala mécha ke lân tsanthô a la katédr^le de chin Nikolé ô mê d’avri, lé jou la lârma y jié eé on bokon la pidouye. No j’an achebin l’ékipe di komédien , kan moujô a la galéjâ véyâ ke l’an bayi d’evê pachâ avu ounâ pithe de NONO Pürro  » lè Viyo Budzon » .
Lân kevin nô van fithâ lè 60 an dè l’Amikala è lé 20 an dou Kâ. On program ché betè chu pi pô le mê d’oktobre- novimbre 2016.
Chti tzotin nô chin jâ in korché tan tchié a Annecy, On bi dzouâ prâ de piéji et dé rithé.
René Kolly
 
Théâtre le Mouret 2017

Concert Théâtre Intrè No Le Mouret 2017

concert-intre-no-ecuvillens

Concert du jubilé à Ecuvillens 29 octobre 2016

messe-et-repas-officiel-intre-no-ecuvillens

Messe en patois Ecuvillens et banquet officiel le Mouret

 

Amicale des Patoisants

De la Sarine  «  INTRÈ NO « 

Assemblée Intrè No Marly samedi 6 février 2016 (diaporama)

 

Concert-Théâtre Intrè No Le Mouret 2016 (diaporama)